ཆུ་སྒང་དུས་དྲན་དང་བོད་ཀྱི་རིག་རྩལ་དགོང་ཚོགས་ཆེན་མོའི་གསལ་བརྡ། Announcement of 64th Anniversary of Dhokham Chushi Gangdruk & Fund Raising Event 2022

ཨ་རི་ནིའུ་ཡོག་ས་གནས་ཆུ་སྒང་རྒྱུན་ལས་ཀྱི་ངོས་ནས་གསལ་བསྒྲགས་ཞུ་རྒྱུར། མཁྱེན་གསལ་ལྟར་མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་འདི་ཉིད་དབུས་བརྙེས་ནས་ལོ་ངོ་༦༤ ཧྲིལ་པོ་འཁོར་བའི་དུས་དྲན་སྔར་ལམ་བཞིན་སྲུང་བརྩི་ཞུ་རྒྱུའི་གསལ་བརྡ། དེ་ཡང་ཕྱི་ལོ་༡༩༥༨ ཟླ་བ་༦ ཚེས་༡༦ ཉིན་ཛ་སག་དམག་སྤྱི་ཨ་འབྲུག་མགོན་པོ་བཀྲ་ཤིས་མཆོག་གིས་དབུ་ཁྲིད་དེ་བོད་ཀྱི་རྒྱལ་ས་ལྷ་སའི་ལྷོ་ཁུལ་ལྕགས་ཚ་གྲི་གུ་ཐང་དུ་བོད་རྒྱལ་བསྟན་ཆབ་སྲིད་དང་བཅས་ཀྱི་བདག་དབང་སྲུང་སྐྱོབས་ཆེད་ཆུ་སྒང་བསྟན་སྲུང་དང་བླངས་དམག་གི་སྒྲིག་འཛུགས་དངོས་སུ་དབུ་བརྙེས་ཡོད་པ་དང། ཆུ་སྒང་གི་རྒྱལ་བཅེས་དཔའ་རྒོད་ཚོས་ལུས་སྲོག་ལོངས་སྤྱོད་དང་བཅས་པ་བློ་བཏང་ནས་བཙན་རྒོལ་རྒྱལ་སྐྱོབས་ཀྱི་དགྲ་བོ་རྒྱ་དམར་ལ་གཡུལ་འཐབ་དྲག་པོ་བརྒྱབ་ནས་ཤི་བསད་ཁྲག་གི་འཁོར་ལོ་བསྐོར་ཏེ་རྒྱ་དམག་ཁྲི་ཚོ་མང་པོ་ཆམ་ལ་ཕབ་པ་སོགས་དཔའ་རྟགས་འཛམ་གླིང་ལ་བཞག་ཅིང་། བློས་བཏང་བོད་རྒྱལ་ཁབ་དང་མི་རིགས་འདིའི་ཆེད་དུ་བྱས་ནས་༡༩༥༩ ཟླ་བ་༣ ཚེས་༡༧ ཉིན་༸གོང་ས་མཆོག་གཙོས་རིས་མེད་སྐྱེས་ཆེན་ཁག་དང་རང་གཞུང་བོད་མའི་དབུ་ཁྲིད་རྣམ་པ། དེ་བཞིན་བོད་མི་ཁྲི་ཚོ་མང་པོ་རང་དབང་ཡུལ་དུ་གདན་འདྲེན་ཞུས་ཡོད་པ་སོགས་ཀྱི་བཀའ་དྲིན་དྲན་གསོའི་ཆེད་ལོ་ལྟར་ཕྱི་ཟླ་༦ ཚེས་༡༦ ཉིན་མདོ་ཁམས་ཆུ་བཞི་སྒང་དྲུག་དབུས་ས་གཉིས་ཀྱིས་གོ་སྒྲིག་འོག་འཛམ་གླིང་ཁྱོན་ཡོངས་ནས་རྒྱལ་སྤྱིའི་རང་བཞིན་ཅན་གྱི་དུས་དྲན་སྲུང་བརྩི་ཟབ་རྒྱས་ཞུ་བཞིན་ཡོད་པ་ལྟར། འདི་ལོར་ཡང་ཨ་རི་ནིའུ་ཡོག་ས་གནས་མདོ་ཁམས་ཆུ་བཞི་སྒང་དྲུག་རྒྱུན་ལས་ཀྱིས་གོ་སྒྲིག་འོག་དུས་དྲན་ཐེངས་༦༤ པ་དང་དེ་བཞིན་བོད་ཀྱི་རིག་རྩལ་དགོང་ཚོགས་ཆེན་མོ་ལྷན་ཅིག་དུ་སྤྱི་ལོ་༢༠༢༢ ཟླ་བ་ ༠༦ ཚེས་ ༢༥ རེས་གཟའ་སྤེན་པའི་དགོང་མོ་ཆུ་ཚོད་ ༧ པ་ནས ༢ པ་བར་སྲུང་བརྩི་་ཟབ་རྒྱས་ཞུ་གཏན་ཁེལ་ཡོད་པ་དང། ཐེངས་འདིའི་སྐུ་མགྲོན་གཙོ་བོ་དཔལ་ལྡན་བོད་མི་མང་སྤྱི་འཐུས་ཚོགས་གཙོ་དང་ཚོགས་གཞོན་གཉིས་ཀྱི་དབུས་པའི་ཨ་རི་ལ་ཆེད་ཕེབས་གནང་མཁན་སྐུ་ངོ་སྤྱི་འཐུས་རྣམ་པ་ཕེབས་གཏན་ཁེལ་ཡོད་ལ། ཁྱབ་ཁོངས་ཚོགས་སྐྱིད་ཁག་གི་རྒྱུན་ལས་དང་ས་གནས་བོད་རིགས་མི་མང་ཡོངས་ངེས་ཕེབས་ཡོང་བའི་གསལ་བརྡ་རུ།

ཨ་རི་ནིའུ་ཡོག་ས་གནས་ཆུ་སྒང་རྒྱུན་ལས་ཀྱིས་༢༠༢༢་༥་༢༢ ཉིན།